يارب يكون بجد

نقابة المحاميين تفتح حسابا لبدء اكتتاب شعبي لشراء بنك القاهرة

( خصصت النقابة العامة للمحامين الاحد حساب في بنك مصر الرئيسي لتلقي إيداعات المساهمين المصريين من أفراد ونقابات واحزاب وهيئات لشراء اسهم بنك القاهرة عند الاعلان عن بيعه )

خبر جديد بالنسبة لموضوع بيع بنك القاهرة المبادرة بدأت من نقابة الصيادلة وقبلها حزب التجمع ونقيب الصيادلة دفع مليون جنيه من جيبة الخاص كأول بداية للاكتتاب العام
مش عارف لما قريت الخبر ده ليه حسيت انى مبسوط جايز لأن المره دى مقاومة الفساد اللى بيحصل فى البلد وعملية بيع البلد للاجانب بسعر التراب المرة دى عن طريق فعل مادى مش عن طريق الكلام وبس
جايز لأن الموضوع جمع كل النقابات والاحزاب والهيئات والجمعيات برغم الاختلافات ما بينهم على ان كفاية اللى اتباع من البلد وان اى حاجة عاوزين تبيعوها تانى هايشتريها المصريين اصحاب البلد بفلوسهم وتبقى برضه ملك للبلد مش للأجانب واليهود
معرفش برغم انى متشائم من اللى شفته وبشوفه واللى بيحصل ومكتئب لكن الموضوع ده حسسنى بأن لسه فيه أمل ان الناس تفوق وتعمل حاجة وان الاختلاف ما بينا كمصريين لازم يكون لمصلحة البلد مش لمصالحنا الشخصية
تفتكروا المفروض اتفائل ولا الحكاية مش هاتكمل
ادعوا معايا يارب يكون الكلام ده بجد وتبقى دى بداية