ايران

لم تكن لى فى يوم من الايام ابدا اى اشكالية فى التعامل مع الشيعة كطائفة اوفرقة باعتبارهم مسلمين وذلك بحسبان اننا كمصريين لايوجد فى ثقافتنا او تربيتنا ما ظهر وسمعنا عنه فى وقتنا الحاضر من الفروق والنزاعات والانقسامات بين السنة والشيعة بل ولا أبالغ ان قلت أننا كنا نجهل الكثير والكثير عن الشيعة ومعتقداتهم وكل ما نعرفه عنهم هو ما قرأناه فى كتب التاريخ من ان الشيعة هم من تشيعوا لسيدنا على بن ابى طالب رضى الله عنه وأرضاه فى حربه مع معاوية وهم حاليا موجودين فى ايران .....
ولكوننا كمصريين من عشاق آل البيت رضى الله عنهم ونظرا لعدم وجود طائفة شيعية فى مصر (بغض النظر عن اعتناق بعض الافراد للمذهب الشيعى) وطبقا للتعريف السابق للشيعة فإنه لم يكن هناك اى خلاف أو إشكالية بيننا كمصريين مسلمين على المذهب السنى وبين الشيعة .
بدأ الحديث عن الشيعة والسنة مع بداية انتشار الفقه الوهابى فى مصر وإن كان لم يشغل الناس نظرا كما أشرت الى عدم وجود طائفة شيعية بالمعنى المفهوم فى مصر لذا فإن الحديث عن الشيعة او الرافضة كما يسمونهم لم يكن يثار كثيرا
ثم بدأ الحديث بشدة عن الشيعة والسنة والاهتمام بتلك المسألة مع بداية الغزو الأمريكى للعراق نظرا لكون الاغلبية فى سكان العراق ممن يعتنقون المذهب الشيعى وكل ما أثير عن دور ايران والمخابرات الايرانية فى محافظات جنوب العراق وما إلى ذلك من موضوعات .
ثم اشتد الجدل والحديث عنهم مع تنامى قوة جزب الله داخل لبنان وانتصاره فى الحرب على اسرائيل والموقف المتخازل للحكومات العربية .... ونجومية حسن نصرالله واكتسابه لشعبية طاغية بين العربى سواء سنى او شيعى ( انا شخصيا من المعجبين بحسن نصرالله واحمدى نجاد برغم انى سنى )

منذ اعوام سافرت الى دبى وبعد وصولى بأيام كان اول احتكاك مباشر بينى وبين بعض الشباب الايرانيين فى احد الميادين العامة .... بدأ الامر لاعتقادهم بأنى ايرانى وتحدث معى احدهم باللغة الفارسية وحينما اجبته بانى مصرى لا اتحدث الا العربية او الانجليزية بينما أصر هو على ان يوجه حديثه لى باللغة الفارسية .... وفجأة قال بالعربية مصري ما يحب ايرانى مبارك ما يحب ايرانى واكمل حديثه العصبى بالفارسية ..... موقف مستفذ جدا منهم وبالرغم لعدم حبى لمبارك الا ان ذكر اسمه او ذكر المصريين بشيئ لا اعلمه ولكن من المؤكد انه ليس جيدا جعلنى اقوم بسبهم وسب ايران ومن يحكم ايران ومن يعيش بايران بالعربية والانجليزية ولو كنت اعرف لغات اخرى وقتها لكنت قمت بسبهم بها مع انى اعلم تماما انهم يجيدون الانجليزية والعربية تماما لانهم بمجرد قيامى بسب ايران والايرانيين (ايران والايرانيين تحت الجزمة هذا بداية قولى) احتد الامر وكاد ان يصل للتشابك بالايدى .............

بعد فترة قمت بالسفر الى جزيرة ايرانية ( تدعى كيش ) وهو إجراء يعلمه كل من سافر الى دولة الامارات حتى يتم اجراءات تغيير الزيارة الى إقامة وهناك رأيت العجب فى التعامل مع العرب على وجه التحديد :
فى البداية لابد اى عربى يرغب بالسفر الى جزيرة كيش ان يقوم بدفع تأمين (حوالى 3000 جنيه مصرى ) فى المطار وإلا مفيش سفر ... فى البداية اعتقد ان ده اجراء على كل اللى بيسافر للجزيرة دى لكن اكتشفت ان العرب فقط هما اللى بيدفعوا تأمين لكن اى جنسية تانى يسافر ويرجع ويعمل اللى هوه عاوزه من غير تأمين .
تانى حاجة أول ما وصلنا مطار كيش الظابط المحترم مجرد ما شاف الجواز وقلب فيه ظهر عليه علامات الامتعاض والضيق وختم دخول وهو قرفان بشكل ( مش عارف ليه بروح امه ده انا اعتبر سايح عندهم يعنى بفلوسي يا كلاب )

بعد ما ختمنا خروج المفرض نخرج بقى ..... لكن لأ مش كده لازم ننتظر فى صالة لحد ما الطيارة كلها تخلص ختم جوازات السفر (مفيهاش حاجة) ... أو ما كله خلص وقف مجموعة من الشباب بتوعهم وبدأوا ينادوا ... الفلبينيين يتفضلوا خروج .... الهنود يتفضلوا خروج ... الروس يتفضلوا خروج ... اى حد من شرق اسيا يتفضل خروج ......... لحد مفضلش حد غير العرب ... بعدين قالوا خلاص كله يخرج مفيش مشكلة !!!!!

وليه بقى الحركات دى ؟؟؟ انا اقولكم
فيه خارج المطار اتوبيسات تابعة للفنادق اللى فى الجزيرة وكل فندق محتاج عدد معين علشان يكمل الاشغال اللى عنده .... هما بقى بيخلوا الفنادق تاخد اللى محتاجاه من كل الجنسيات وبعد كده يفضل الاخوة العرب يلاقوا فندق او مايلاقوش مش مهم الاحسن انهم ما يلاقوش وحتى لو لقيت فندق عمرك ما هتبقى زى الفلبينى او الهندى انت تدفع تأمين اكبر للفندق (ايوه تأمين تانى ) ... انت تسكن أغلى ..... انت يحاول يتلككلك علشان تعمل مشكله ويطردك من الفندق وتبقى انت العربى بتاع المشاكل اللى بتعمل معاهم مشاكل فى بلدهم ..........
المهم بعد ذلك تعاملت مع ايرانيين كتير بحكم الشغل وكمان شيعة كتير سواء عرب او ايرانيين ودول الحديث عنهم يطول ...................
وبرغم ان معظم اللى اتعاملت معاهم سواء الايرانيين او من اصل ايرانى محصلش اى مشكلة او خلاف ظاهر بينى وبينهم الا انى مع ذلك بحس فى التعامل معاهم بحاجة غريبة مش قادر افسرها .... حاجة متريحش

تذكرت ايران بمناسبة إشاعة عن قرب عودة العلاقات المصرية الايرانية ..

تفتكروا ممكن